Categories (ALL)

RL Cours fir de Radio-Amateur Examen

Lëtzebuergesch Den RL organiséiert och dëst Joer nees ee Cours fir de Radio-Amateur Examen.

De Cours op Lëtzebuergesch ass all Méindes an Donneschdes vun 19:00 bis 20:45 Auer. En ass fir all Altersklass a fänkt den 30. September 2019 un.

De Cours ass am Lycée Technique du Centre um Lampertsbierg.

Den Examen vum ILR fir de 'Certificat d'opérateur-amateur radio' gëtt am Januar / Februar 2020 ofgehalen.

Fir weider Informatiounen a fir iech unzemellen, klickt w.e.g. hei.

LX75V

Lëtzebuergesch Vum 01.08.2019 bis 31.01.2020 bedreift den RL d' Sonderruffzeechen LX75V.

Dëst zum Gedenken un d'Befreiung vun Lëtzebuerg den 10. September 1944, wou alliéiert Panzeren kampflos an d’ Stad Lëtzebuerg eran gefuer sinn.

Mir hunn d’ Ruffzeechen bis Enn Januar 2020 wëll no der Ardennenoffensiv am Dezember 44 LX nees kuerz besat gouf an eréischt definitiv am Januar 1945 befreit ginn ass.

D’ Lizenz ass multi-multi-multi an kann esou parallel vun verschiddenen Opérateuren ob verschiddenen Bänner an Siten gläichzäiteg bedriwwen ginn! Enzeg Konditioun ass dass pro Band nëmmen eng Statioun am gläichen Mode aktivéiert gëtt. Erlaabt ass awer z.b. 20m FT8 an parallel 20m SSB.

All Member vum RL däerf d’Ruffzeechen an dem Zäitraum notzen wann en Loscht huet. Et muss een sech just beim Jean-Marie (LX1JH) per mail un umellen an duerno säin Log am adif Format ob déi selwecht Mail Adress schécken.

An dem LX75V Grupp kann een seng Aktivitéit ukënnegen an an d'Logbuch fënnt een hei.

Den RL wëscht vill Spaass mam Ruffzeechen.

ARDF 2019 - RL Fuussejuegd / RL Fox hunt

ARDF

Lëtzebuergesch Den nationalen ARDF Event vum RL den 1. September fënnt dëst Joer zu Grousbous statt. D'Fuussejuegd wäert wéi di lescht Joeren rëm am 80m Band sinn.

Start an Arrivé ass um Parking op der N12 bei Grousbous:
http://g-o.lu/3/thfP
GPS: 5° 57′ 19,6″ E, 49° 50′ 25,4″ N
Déi éischt Départen sinn um 10:00. Wann d'Participants-Zuelen ähnlech si wéi d'läscht Joer, wier et gutt wann déi läscht Départen spéitstens um 11:00 wieren (den Zäit-Limit vun der Fussejuegd ass 2 Stonnen). Leit déi net grad sou sportlech sinn, kennen och een Deel vum Parcours maachen an eng méi kleng Zuel vu Sendere sichen.

Intresséiert Leit déi am Viraus wëllen Informatioune kréien (e.g. falls et misst kuerzfristeg aus wieder-technesche Grënn ofgesot ginn) kenne sech lo scho beim ARDF Working Group umellen (), mir wäerten awer och hei op der Homepage Informatioune ginn. Natierlech kann och jiddereen Sonndes einfach op d'Plaz kommen a sech nach do aschreiwen fir mat ze maachen. Op der Plaz wäert och fir Leit déi sech nach net sou mat der Thematik auskennen eng kleng praktesch Introduktioun gemaach ginn, well d’Sendere jo souwisou op der Plaz sinn, fir dann “hors compétition” der een oder zwee ze sichen.

LX8HQ IARU HF Championship 2019

Lëtzebuergesch De Weekend vum 13-14 Juli 2019 huet den RL nees mat der Headquarter Statioun LX8HQ am IARU HF Championship 2019 matgemaach.

Et ass vum RL Shack aus gefunkt an am Ganzen ronn 1500 QSO'en gemaach ginn.

LX8HQ 2019 Team (v.l.n.r.): Thorsten DG3KBQ, Jean-Luc F1ULQ, Mich LX1KQ, Mendaly LX2VY, Jean-Marie LX1JH, Heng LX1HD

 

Maintenance Blaschette

Lëtzebuergesch Wéi schonn an där leschter QST-Emissioun ugekënnegt, organiséieren mir Schaffdeeg zu Blaschent um Site vun eisem Relais.

Hei geet et virun allem mol dorëms di provisoresch gelueten Antennekabelen propper ze verleeën, an da gëtt nach eng Hamlink Streck op gebaut.

Dat ass eppes wat dech vläicht vun der Technik hier interesséiere kënnt. Mee net nëmmen dat, och mol eng Kéier d’Méiglechkeet ze hunn fir de Site mat sengem imposanten Mast vu Noo ze kucken mécht dat ganzt interessant. Mee dat Bescht kënnt jo ëmmer zum Schluss, den RL sponsort hei Iessen a Gedrénks, sou dass heiraus och nach e flotten an gemittlechen Dag ënnert Gläichgesënnten usteet. Als eenzeg Konditioun, du muss dech wéi ëmmer ënnert umellen.

Di zwee Datumen wou’s du dier hei mierke solls sinn jeeweils Samschdes den 20. an den 27. Juli 2019. Soo eis och wéi en Daag s’du eis dann hëllefe kënns.
 

Ham Radio 2019

Lëtzebuergesch Och 2019 ass den RL nees mat engem flotte Stand mat e puer Neierungen op der HamRadio zu Friedrichshafen vertrueden.

D’Ausstellung um Bodensee ass vu Freides dem 21. bis Sonndes den 23. Juni.

Dir sidd all häerzlech Wëllkomm eis op de Stand A1-880 an der Hal A1 besichen ze kommen.

English Like the previous years, the RL is participating from 21st to 23rd June 2019 at the Hamradio fair in Friedrichshafen.

We would be glad to welcome you at our stand A1-880 in hall A1.