XLX270 goes DMR

Lëtzebuergesch Säit dem 23. August leeft den XLX270 ob der Versioun 2.0.0.

Des Versioun ënnerstëtz och elo DMR an transcodéiert live vun DMR ob D-Star an ëmgedréint!
Par Défaut ass den LX0DML, eisen Multimode Relais vun Blaaschent, an D-Star an an DMR op den XLX270 B gelinkt.
Doduerch ass et méiglech fir déi Leit déi keen D-Star Gerät hunn trotzdem mat den Kollegen an D-Star iwwert DMR ze schwëtzen.

Den LX0DML kann um XLX270 ob Module A-Z gelinkt ginn.
Fir dass dat mat ärem DMR Gerät funktionéiert, muss dir den TS1 ob der TG8 benotzen.
(Fir en lokalen QSO, also net iwert den Réseau kann natierlech och den TS2 TG9 genozt ginn.)

Mat engem private oder group call gëtt den Relais verlinkt.
Schéckt dir z.b en 84000, gëtt den Relais ewech gelinkt.
Mat 84001 link dir den Relais ob Module A, mat 84002 ob B usw.

Keng Panik, dir kënnt am Prinzip näischt falsch oder futti maachen. Sollt dir alles verstallt hunn, ass dat nët dramatesch.
Den Relais linkt sech automatesch no 15 Minutten nees ob den XLX270 Module B.

Fir weider Froen schéckt w.e.g en mail un .

LX0DML - Multimode Relais

Lëtzebuergesch Säit dem 8. August 2017 leeft zu Blaaschent den LX0DML. Et ass den 1. Multimode Relais hei am Land!

Dësen Relais beherrscht déi drei gängest digital Modien déi et den Moment ginn: D-Star, C4FM an DMR.

Am Prinzip ass den Relais an D-Star ob den XLX270 B gelinkt an an DMR ob den XLX950 E.
Den Relais léist sech wei gewinnt an D-Star iwwert DTMF oder URCALL ëm linken.

An DMR leeft den Réseau ob TS1 – TG8.
Fir lokal ze chaten huelt w.e.g den TS2 – TG9.

Um XLX950 sinn den Moment 10 TG’en fir DMR fräi geschallt.
84001-84010 woubäi TG 84001 dem Modul A bäi D-Star entsprécht, 84002 Modul B, 84003 Modul C etc.
Mat 84000 gët den DMR ewech gelinkt.

Um XLX950 ginn déi 10 Moduler vun D-Star <-> DMR live transcodiert.
Et ass also egal ob dir D-Star oder DMR maacht, soulaang dir um selwechten Modul gelinkt sidd.
Passt w.e.g ob, dass nët schonn en QSO an engem aneren Modus amgaang ass, ir dir rufft.

Fir weider Froen kënn dir Iech per Mail un den DVC vum RL wenden. ()

ARDF 2017 - National Fuussejuegd / National fox hunt

Lëtzebuergesch Den nationalen ARDF Event den 20. August fënnt dest Joer zu Hesper um Holleschbierg statt. D'Fuussejuegd wäert am 80m Band sinn. Start an Arrivé ass um Parking beim alen Fussballs-Terrain: http://g o.lu/3/93P6 (Terrain Robert Thill, Eck rue du Stade 2000 an Montee Holleschbierg, GPS: 6°09'31.6''E 49°34'35.3''N).

Déi éischt Départen sinn um 10:00. Wann d'Participants-Zuelen ähnlech si wéi d'läscht Joer, wier et gutt wann déi läscht Départen spéitstens um 11:00 wieren (den Zäit-Limit vun der Fussejuegd ass 2 Stonnen).

Intresséiert Leit déi am Viraus wellen Informatioune kréien (e.g. falls et misst kuerzfristeg aus wieder-technesche Grënn ofgesot ginn) kenne sech lo scho beim ARDF Working Group umellen (). Natirlech kann och jiddereen Sonndes einfach op d'Plaz kommen a sech nach do aschreiwen fir mat ze maachen.

Denkt w.e.g. dru fir gutt Schung a passend Kleedung unzedoen a je no Wieder eppes fir ennerwee ze drenken mat ze brengen. Eng Kaart vum Site (Din A4 Gréisst) wäert de Participanten zur Verfügung gestallt ginn. Ee Support a Schreiw-Material soll jidderee selwer matbréngen. Déi Leit déi een Empfänger vum Club reservéiert hu solle w.e.g. ee Kopfhörer mat Mini-Jack Uschloss (kee mat 4 polegen Headset/Mikro-Uschloss) matbréngen.

Iessen an Drénken kann een geint een klengen Onkäschte-Beitrag no der Fuussejuegd och op der Plaatz kréien.

 

English The national ARDF event on August 20th will be held this year at Holleschbierg in Hesperange. The fox hunt will be on 80m. Start and Finish will be on the parking place near to the old football field: http://g-o.lu/3/93P6 (Terrain Robert Thill, corner rue du Stade 2000 and Montee Holleschbierg, GPS: 6°09'31.6''E 49°34'35.3''N).

The first departures are at 10:00. If the number of participants will be similar than last year, it would be good to start latest at 11:00 (the duration of the fox hunt is 2 hours max.).

People who are interested to get information beforehand (e.g. if the event must be canceled at short notice due to bad weather) can register now at the ARDF WG (). Of course everyone is welcome to come to the starting place on Sunday to participate and register there.

Please don't forget to wear adequate shoes and apparel, and depending on the weather to bring something to drink during the hunt. A map of the site (Din A4 size) will be provided to the participants. A support for the map and writing material should be brought by the participants.

Those having reserved a receiver from the association should please bring a headphone with mini jack connector (not one with 4 pins from a headset/microphone).

Food and drinks are available after the return for a small fee.

 

 

Ham Radio 2017

Lëtzebuergesch Wéi déi lescht Joeren ass den RL och dëst Joer rëm mat engem flotte Stand mat e puer Neierungen op der HamRadio zu Friedrichshafen vertrueden.

Den DVC Working Group stellt ebenfalls seng nei Entwéckelungen op der Platz vir.

D’Ausstellung um Bodensee ass vu Freides dem 14. bis Sonndes dem 16. Juli. Dir sidd all häerzlech Wëllkomm eis op de Stand A1-848 an der Hal A1 besichen ze kommen.

English Like the previous years, the RL is participating from the 14th to 16th July 2017 at the Hamradio fair in Friedrichshafen.

Feel free to visit us at our stand A1-848 in hall A1 where you can get an insight to the new developments from our digital voice group.

SaarLorLux-Treffen LX8SAR

Wéi schonn am Bulletin ugekënnegt ass d’SaarLorLux Treffen dëst Joer vu Freides dem 16. bis Sonndes dem 18. Juni zu Weicherdang am SNJ Jugendzentrum. Dir sidd wëllkomm fir do ee flotte Weekend mat de Kollegen aus der Groussregioun ze verbréngen, oder si dohi besichen ze goen. Et wäert natierlech eng Statioun opgeriicht ginn, fir QSOen op deene verschiddene Bänner ze maachen. Folgende Programm ass fir déi 3 Deeg zu Lëtzebuerg geplangt:

  • Freides, 16. Juni, Arrivée a Begréissung sou wéi Funkbetrib mam Sonderruffzeechen "LX8SAR".
  • Samschdes, 17. Juni, um 10 Auer Visite vun engem Musée zu Dikkrich.
  • Um 19 Auer Hamfest am Jugendzentrum vu Weicherdang.
  • Sonndes, 18. Juni ass ee gemeinsamt Mëttegiessen
  • Dono géint 15 Auer wäerten d’Leit sech dann op den Heemwee maachen.

Falls dir och am Jugendzentrum wëllt schlofen, kennt der iech beim Heinz DK4XC () mellen.

LX0DRD bis ob weideres QRV vun Blaaschent aus

Gëschter am Laf vum Moien ass en Camion vun engem Entrepreneur während Bauaarbechten an den Sendemast vum LX0DRD zu Dippëch gerannt. Dorops hin ass den Mast emgefall.
Well nët gewosst ass wéini mir deen Site nees kënnen exploitéieren huet eisen DVC working group den Relais zu Blaaschent um Site vum LX0DML nees an Betrib geholl.

Vun hei aus en décken Merci un déi Leit, déi eng Hand mat ugepaackt hunn fir dass den LX0DRD nees konnt esou schnell online goen.
Och en ganz besonnegen Merci un den ILR déi eis schnell an onbürokratesch eng provisoresch Lizenz accordéiert hunn fir den LX0DRD zu Blaaschent däerfen ze bedreiwen.
Duerch den Ausfall vum Site Dippëch ass och den HAMNET Link vum LX0DRV ennerbrach, sou dass dësen Relais temporaire nët um D-Star Netz hängt. Mir kucken awer fir esou schnell wei méiglech eng nei Link Streck op den Ronnebësch ze kréien.
D' Couverture vun Blaaschent aus ass nët schlecht, allerdéngs sinn duerch den Ausfall vun Dippech grouss Deeler am Süden vun eisem Land nët méi an D-Star ofgedeckt.

Den DVC sicht och hei no enger Léisung. Weider Biller vum Mast fannd dir hei.