D-STAR

Lëtzebuergesch An dëser Rubrik fannt dir alles iwwer D-STAR zu Lëtzebuerg.

Deutsch In dieser Rubrik findet ihr alles Wissenswertes über D-STAR in Luxemburg.

Français Sous cette catégorie vous trouverez toutes les infos sur le D-STAR au Luxembourg.

English Under this category you'll find all the information about D-STAR in Luxembourg.


 

LX0DML - Multimode Relais

Lëtzebuergesch Säit dem 8. August 2017 leeft zu Blaaschent den LX0DML. Et ass den 1. Multimode Relais hei am Land!

Dësen Relais beherrscht déi drei gängest digital Modien déi et den Moment ginn: D-Star, C4FM an DMR.

Am Prinzip ass den Relais an D-Star ob den XLX270 B gelinkt an an DMR ob den XLX950 E.
Den Relais léist sech wei gewinnt an D-Star iwwert DTMF oder URCALL ëm linken.

An DMR leeft den Réseau ob TS1 – TG8.
Fir lokal ze chaten huelt w.e.g den TS2 – TG9.

Um XLX950 sinn den Moment 10 TG’en fir DMR fräi geschallt.
84001-84010 woubäi TG 84001 dem Modul A bäi D-Star entsprécht, 84002 Modul B, 84003 Modul C etc.
Mat 84000 gët den DMR ewech gelinkt.

Um XLX950 ginn déi 10 Moduler vun D-Star <-> DMR live transcodiert.
Et ass also egal ob dir D-Star oder DMR maacht, soulaang dir um selwechten Modul gelinkt sidd.
Passt w.e.g ob, dass nët schonn en QSO an engem aneren Modus amgaang ass, ir dir rufft.

Fir weider Froen kënn dir Iech per Mail un den DVC vum RL wenden. ()

LX0DRD bis ob weideres QRV vun Blaaschent aus

Gëschter am Laf vum Moien ass en Camion vun engem Entrepreneur während Bauaarbechten an den Sendemast vum LX0DRD zu Dippëch gerannt. Dorops hin ass den Mast emgefall.
Well nët gewosst ass wéini mir deen Site nees kënnen exploitéieren huet eisen DVC working group den Relais zu Blaaschent um Site vum LX0DML nees an Betrib geholl.

Vun hei aus en décken Merci un déi Leit, déi eng Hand mat ugepaackt hunn fir dass den LX0DRD nees konnt esou schnell online goen.
Och en ganz besonnegen Merci un den ILR déi eis schnell an onbürokratesch eng provisoresch Lizenz accordéiert hunn fir den LX0DRD zu Blaaschent däerfen ze bedreiwen.
Duerch den Ausfall vum Site Dippëch ass och den HAMNET Link vum LX0DRV ennerbrach, sou dass dësen Relais temporaire nët um D-Star Netz hängt. Mir kucken awer fir esou schnell wei méiglech eng nei Link Streck op den Ronnebësch ze kréien.
D' Couverture vun Blaaschent aus ass nët schlecht, allerdéngs sinn duerch den Ausfall vun Dippech grouss Deeler am Süden vun eisem Land nët méi an D-Star ofgedeckt.

Den DVC sicht och hei no enger Léisung. Weider Biller vum Mast fannd dir hei.

XLX Artikel CQ-DL

Lëtzebuergesch An der Mee 2016 Ausgab vun der CQ-DL ass een Artikel iwwer den XLX Multiprotokol Reflector System verëffenlecht ginn.

Deutsch In der Mai 2016 Ausgabe der CQ-DL wurde ein Artikel über das XLX Multiprotokol Reflector System veröffentlicht.

Artikel hier lesen.

Luxembourg D-STAR Reflector Monitor - XLX270 - DCS032

XLX270 - XLX032 Luxembourg Reflector provided by xlx.epf.lu

The XLX Multiprotocol Gateway Reflector can handle DCS, Dplus and Dextra protocols on the same reflector. The Luxembourg XLX270 Gateway cross-connects the following Luxembourg D-Star reflectors: XRF270DCS270 and DCS032. You can use Module A, B, C or D but B being the most common one.

Simply connect to the Luxembourg (270) XLX Multiprotocol Gateway Reflector by putting XRF270BL in UR (YourCall).  You can use DCS270BL as well provided your gateway is using the latest ircDDB server list.
 

 

D-Star Relais LX0DRV

Lëtzebuergesch Mam LX0DRV um Ronnebësch huet den DVC Working Group vum RL den 13. Juli 2015 géint 18h00 den 4. D-Star Relais zu Lëtzebuerg an Betrib geholl.

Dësen Relais schafft mat zwou Yagi Antennen déi gezielt den Uelzechtdall an den Sauerdall ofdecken. Éischt Tester confirméieren des Couverture, sou dass Diekirch, Ettelbréck, Colmar an Miersch elo 100% ofgedeckt sinn. An den kommenden Deeg, jee no Feedback vun den User kann d’ Ausriichtung vun den Antennen nach liicht variéieren.

Mat dësem Relais hunn mir dann quasi eng Flächendeckend Couverture iwwer 70cm op D-Star.

Den HF Deel vum D-Star Projet wär dann ofgeschloss an den DVC Working Group widmet sech weider der Vernetzung vun den Digitalen Modien. D’ Ziel ass et fir d’ Reflekteren vun den verschiddenen digitalen Netzer zesummen ze leeën sou dass et an Zukunft wäert egal sinn op den User sech fir D-Star, C4FM oder DMR entscheet.

Den CCS7 wäert dann och Callsign Routing tëschent den Netzer erméiglechen, egal op een mat D-Star oder DMR ënnerwee ass. Un engem Reflekter System fir C4FM gëtt och schonn geschafft. Wei et domadder weider geet weist d’ Zukunft.

LX0DRD, neien TRX

Lëtzebuergesch Den 29.03.2015 huet den DVC Group den TRX vum LX0DRD zu Dippech duerch en modifizéierten RS9042 ersat.
Éischt Tester hunn erginn, dass sech d’ Sensibilitéit nach eng Kéier wesentlech verbessert huet. De Relais ass elo quasi iwwerall do wou en gehéiert gëtt och ze schaffen.

Den Rollengergronn, Eescher Platz an Beggen bis op Luerenzweiler sinn och komplett couvréiert.

Duerch dësen Échange hunn mir bei eisen dräi D-Star Relaisen ëmmer dat selwecht Équipement wat den Entretient wesentlech vereinfacht.

Mir géifen eis iwwert ären Feedback freeën.

D-STAR: VIS ON

Lëtzebuergesch Leit, déi mat hirem Ruffzeechen an der weltwäiter D-Star Datebanke wëllen visibel sinn mussen déi Funktioun selwer fräi schalten.
Dëst funktionéiert iwwert den Befehl “VIS ON”. Et geet dur, dass dir eemoleg den Befehl iwwert den “YourCall” op iergend engem D-Star Relais, deen un d’ IRCDDB ugeschloss ass oofsetzt.

Hei en Beispill fir dat iwwert den LX0DRD ze maachen:

YourCall: VIS___ON

   RPT1:     LX0DRD_B
   RPT2:     LX0DRD_G

Och hei muss nees opgepasst ginn, dass den "VIS___ON"   8 Zeechen huet. Also an desem Fall 3 Espacen tëschent den VIS an dem ON.

Déi genau Erklärung fann dir hei: http://ircddb.net/live-vis.html. An esou gesäit dat aus, wann dir des Funktioun aktivéiert huet. http://ircddb.net/live.htm

D-Star Relais LX0DRD - Dippëch

Lëtzebuergesch Säit Gëschter, dem  29.11.2014, leeft den Dippëcher D-STAR Relais mat sengem definitiven Ruffzeechen LX0DRD.

Déi Leit, déi den Relais bis elo als LX0XP geschafft hunn, mussen d’ Parameteren fir RTP1 an RTP2 an hiren Geräter upassen an op LX0DRD ëmstellen.

All Internet Servicer wei DPlus, DExtra DCS an IRCDDB sinn och online.

Nodeem festoung, dass den bestehenden Koaxkabel bis bei d’ Antenn erop schlecht wor hunn mir desen leschten Samsteg duerch en 7/8” Kabel ersat.

Et besteet den Moment nach sporadesch ee klenge Problem um Niveau vun der Receptioun. Vir der Saach op den Grond ze goen, wäerten mir am Laf vun der nächster Woch den Duplexer tauschen. Et muss sech dann erausstellen op domadder den Problem dann geléist ass.

English Since 29-NOV-2014 the 3rd Luxembourg D-STAR repeater LX0DRD, located in Dippach JN29XO, is officially on the air with all services enabled.

If you previously used LX0XP during the testing period please replace that callsign by LX0DRD in our settings now.