Hytera DMR goes XLX !!

Lëtzebuergesch Endlech ass et esouwäit !!

Den 17. Dezember 2017 hunn mir den LX0DME, dem LX9DX säin Hytera Relais geupgrade an un den XLX270 gelinkt. Dommadder hätten mir eist Ziel erreecht an et ass egal ob den Operateur an DMR oder D-Star funkt.

Um XLX270 ginn all Moduler an die béid Richtungen DMR-D-Star transcodéiert.

Par defaut ass den LX0DME ob den XLX270 Module B gelinkt wou och all déi aner D-Star Relaisen vum RL drun hänken.

Den Réseau ass ob den TS1 / TG8 gemappt. Wann dir also iwwert den LX0DME fuert dann muss dir den TS1 / TG8  (Time Slot 1 /  Talking Group 8) benotzen. Als RX Grupp am CPS vum Funkgerät geet TG8 duer.

Des Konstellatioun vereinfacht déi ganz DMR-Handhabung drastesch. Natierlech kann den LX0DME och ewech gelinkt , oder den Module gewiesselt ginn.

Gesteiert gëtt dat Ganzt iwwert en private call.

Hei dann d' Befehler:

  • 84000 - unlink
  • 85000 - status
  • 84001 - Module A
  • 84002 - Module B
  • 84003 - Module C
  • ...
  • 84026 - Module Z

Den Time Slot 2 kann weiderhin fir lokal QSO’en an der TG9 genotzt ginn.

Fir weider Froen steet den DVC vum RL iech wéi ëmmer zur Verfügung.

Kee ClubOwend (Eesebuer) a keng QST am Dezember

Lëtzebuergesch Well de leschte Freiden am Mount Dezember op den 29. fält, an do tëschent de Feierdeeg vill Leit anerwäerteg Verpflichtungen hunn, wäert de ClubOwend vum Dezember ausfalen. Et ass also och den 29. Dezember kee QSL Service zu Eesebuer. Den nächste ClubOwend ass soumat am neie Joer, an zwar den 26. Januar 2018. De QSL Service wäert de 6. Dezember zu Peppeng present sinn, an am neie Joer och den 3. Januar.

D’QST Emissioun vun Enn Dezember wäert och ausfalen, well viraussiichtlech keng intressant Neiegkeeten um Programm stinn. Den nächste Rendez-Vous fir d’QST ass also héchstwahrscheinlech, wann et eppes ze ziele gëtt, de 26. Januar, respektiv den 28. Januar fir d’Rediffusioun.

Français Le dernier vendredi du mois de décembre, c-à-d le 29 décembre 2017 la soirée club à Eisenborn n'aura pas lieu, comme beaucoup de membres ont d'autres obligations entre ces jours fériés de fin décembre. Le service QSL sera donc assuré seulement le 6 décembre et le 3 janvier à Peppange. L'émission QST de fin décembre est aussi annulée, la prochaine édition est donc prévue pour le 26 janvier (rediffusion 28 janvier).

Digital Voice Communication – D-Star Relais LX0DRN

Viru ronn 4 Joer hat den DVC vum RL sech virgeholl fir D-Star zu Lëtzebuerg flächendeckend zur Verfügung ze stellen. Enn 2017 ass et elo souwäit. Mam LX0DRN riichten mir zu Nacher eisen 6. an viraussiichtlech leschten D-Star Relais zu Lëtzebuerg ob. Den Moment lafen ob deem Site éischt Couvertures-Tester ënnert LX0XP-B. Mat dësem Relais gëtt den Heischtergronn, Wolz, Esch-Sauer, Clerv an villes méi ofgedeckt. D’Frequenz vum Relais ass 438.31250 MHz, shift  -7.6 MHz.

Den DVC vum RL seet all deenen Leit en décken Merci, déi gehollef hunn an esou kuurzer Zäit esou en formidabelen Projet ob d’Been ze stellen. Ab elo ass et méiglech quasi am ganzen Land an D-Star QRV ze sinn an esou National an International Verbindungen ze maachen.

Rapporten souwéi wei all aner Froen kënn dir gären un schécken.

Och wann mam LX0DRN den D-Star Projet souwäit ofgeschloss ass, heescht dat nët dass mir elo keng Aarbecht méi hunn! Jiddereen deen an der DVC Working Group wëll aktive matschaffen ass häerzlech invitéiert matzemaachen. Et sinn keng speziell Kenntnisser erfuerderlech. Spaass um Hobby an Teamfäegkeet ginn dur.

Mir freeën eis iwwert all Feedback.

FM Relais LX0DMM

Den LX0DMM ass no enger Testphase vun 3 Méint als analogen 2m Relais zu Meechtem am Regelbetrib. D’Koordinaten sinn 49°39.25’ N 6°25.28’ E - Locator JN39FP07NA fir déi Leit déi sech d’Antenn vun No ukucke wëllen. En Vertikalstrahler vun Kathrein mat engem Gewënn vun +/-5 dbd ass mam Fousspunkt op 15 Meter esou montéiert ginn, dass d’Ofstralung Richtung Staat verstäerkt gëtt, an Däitschland esou weit wéi Méiglech ofgeschiermt bleift. Natierlech ass dem Empfang op der Däitscher Muselsäit awer och Top.

Et sinn schonns etlech positiv Echoen iwwer d’Kuvertüre beim RL agaang. De Relais deckt déi ganz Route du Vin vun Munneref bis op Waasserbëlleg an e groussen Deel laanscht Sauer bis op Iechternach of.

D’Hardware ass am Moment en Hytera Relais den nach aus dem Bëstand vum RL iwwerholl ginn ass. De Relais leeft op145.5875 Mhz mat engem minus Shift vun 600 khz an CTCSS vun 123 Hz T/SQL.

An enger nächster Phase sollen déi 3 Analog zougänglech Relaisen LX0LU, LX0DMM an LX0HI Digital iwwer Hamnet mateneen vernetzt ginn. Eng Optaaschtung mat 1750 Hz an CTCSS ass nach Ëmmer e wichtegen Punkt deen eis virschwieft. Éischt Versich sinn scho gemaach. Bis all Bedéngungen fir eng sécher Vernetzung an enger gudder Qualitéit ze garantéieren erfëllt sinn, wäerten nach etlech Gedanken ausgetosch ginn.

Nach emol betount, all Ureegung a konstruktiv Kritik, souwéi en aktiivt Matschaffen an deenen verschiddenen Working Gruppen ass wéi schonn Ëmmer wëllkomm.

News IARU - Landshut 2017 - Bilan

Den offiziellen Ofschlossbericht vun der IARU Region 1 General Conference, déi vum 16. bis den 23. September zu Landshut stattfonnt huet, kann op der Websäit vun der IARU R1 erofgelueden ginn: https://www.iaru-r1.org/index.php/downloads/func-startdown/977/

D'RL Delegatioun (LX1KQ Mich an LX2OO Thomas) huet un deene verschiddene Workshops iwwer déi aktuell Themen deelgeholl. E puer vun den Haapt-Themen déi alleguer d'Funkamateure betreffen an déi op der Konferenz behandelt goufen, sinn d'Protectioun vun eisem Spektrum an d'Zuel vun den aktive Funkamateuren déi allgemeng réckleefeg ass. D'Konferenz huet och d'Strategie vun der IARU Regioun 1 op de Leescht geholl, am Hibléck op Memberszuelen déi zréck ginn, an eng finanziell Situatioun déi riskéiert an noer Zukunft ganz prekär ze ginn wann näischt geännert gëtt.

Et gouff och een neien Exekutivcomité an der Final Plenary gewielt. Den Executive Committee fir 2017 bis 2020, dee seng Amtszäit den 31. Oktober 2017 ufänkt, sinn:

  • President: Don Beattie, G3BJ
  • Vice President: Faisal Al-Ajmi, 9K2RR
  • Schatzmeeschter: Andreas Thiemann, HB9JOE
  • Generalsekretär: Hans Blondeel Timmerman, PB2T

Memberen:

  • Sylvain Azarian, F4GKR
  • Alessandro Carletti, IV3KKW
  • Mats Espling, SM6EAN
  • Joerg Jaehrig, DJ3HW
  • Oliver Tabakovski, Z32TO

Update:

Hei an desem PDF kann een nach noliesen wat fir eng Decisiounen an der Final Plenary dee leschten Dag ugeholl gi sinn. Merci un de REF fir déi franséisch Iwwersetzung.