News IARU - Landshut 2017 - Bilan

Den offiziellen Ofschlossbericht vun der IARU Region 1 General Conference, déi vum 16. bis den 23. September zu Landshut stattfonnt huet, kann op der Websäit vun der IARU R1 erofgelueden ginn: https://www.iaru-r1.org/index.php/downloads/func-startdown/977/

D'RL Delegatioun (LX1KQ Mich an LX2OO Thomas) huet un deene verschiddene Workshops iwwer déi aktuell Themen deelgeholl. E puer vun den Haapt-Themen déi alleguer d'Funkamateure betreffen an déi op der Konferenz behandelt goufen, sinn d'Protectioun vun eisem Spektrum an d'Zuel vun den aktive Funkamateuren déi allgemeng réckleefeg ass. D'Konferenz huet och d'Strategie vun der IARU Regioun 1 op de Leescht geholl, am Hibléck op Memberszuelen déi zréck ginn, an eng finanziell Situatioun déi riskéiert an noer Zukunft ganz prekär ze ginn wann näischt geännert gëtt.

Et gouff och een neien Exekutivcomité an der Final Plenary gewielt. Den Executive Committee fir 2017 bis 2020, dee seng Amtszäit den 31. Oktober 2017 ufänkt, sinn:

  • President: Don Beattie, G3BJ
  • Vice President: Faisal Al-Ajmi, 9K2RR
  • Schatzmeeschter: Andreas Thiemann, HB9JOE
  • Generalsekretär: Hans Blondeel Timmerman, PB2T

Memberen:

  • Sylvain Azarian, F4GKR
  • Alessandro Carletti, IV3KKW
  • Mats Espling, SM6EAN
  • Joerg Jaehrig, DJ3HW
  • Oliver Tabakovski, Z32TO

Update:

Hei an desem PDF kann een nach noliesen wat fir eng Decisiounen an der Final Plenary dee leschten Dag ugeholl gi sinn. Merci un de REF fir déi franséisch Iwwersetzung.

 

FM Relais LX0DMM

Den LX0DMM ass no enger Testphase vun 3 Méint als analogen 2m Relais zu Meechtem am Regelbetrib. D’Koordinaten sinn 49°39.25’ N 6°25.28’ E - Locator JN39FP07NA fir déi Leit déi sech d’Antenn vun No ukucke wëllen. En Vertikalstrahler vun Kathrein mat engem Gewënn vun +/-5 dbd ass mam Fousspunkt op 15 Meter esou montéiert ginn, dass d’Ofstralung Richtung Staat verstäerkt gëtt, an Däitschland esou weit wéi Méiglech ofgeschiermt bleift. Natierlech ass dem Empfang op der Däitscher Muselsäit awer och Top.

Et sinn schonns etlech positiv Echoen iwwer d’Kuvertüre beim RL agaang. De Relais deckt déi ganz Route du Vin vun Munneref bis op Waasserbëlleg an e groussen Deel laanscht Sauer bis op Iechternach of.

D’Hardware ass am Moment en Hytera Relais den nach aus dem Bëstand vum RL iwwerholl ginn ass. De Relais leeft op145.5875 Mhz mat engem minus Shift vun 600 khz an CTCSS vun 123 Hz T/SQL.

An enger nächster Phase sollen déi 3 Analog zougänglech Relaisen LX0LU, LX0DMM an LX0HI Digital iwwer Hamnet mateneen vernetzt ginn. Eng Optaaschtung mat 1750 Hz an CTCSS ass nach Ëmmer e wichtegen Punkt deen eis virschwieft. Éischt Versich sinn scho gemaach. Bis all Bedéngungen fir eng sécher Vernetzung an enger gudder Qualitéit ze garantéieren erfëllt sinn, wäerten nach etlech Gedanken ausgetosch ginn.

Nach emol betount, all Ureegung a konstruktiv Kritik, souwéi en aktiivt Matschaffen an deenen verschiddenen Working Gruppen ass wéi schonn Ëmmer wëllkomm.

Nei Adress fir d'Monatsversammlungen

Opgepasst - Attention - Achtung -  Attention!

Lëtzebuergesch Vun elo un sinn d'Monatsversammlungen vum RL zu Peppeng am San Marino!

Français Le local où se tiennent les réunions mensuelles du RL est à Peppange au San Marino!

Deutsch Die Monatsversammlungen des RL finden in Peppingen im San Marino statt!

English From now on, the new address of the monthly meetings is in Peppange!

 

Nei Adress - nouvelle adresse - neue Adresse - new address

Pizzeria San Marino
11 Rue de la Montagne
L-3391 PEPPANGE

 

LX19CWC Cricket World Cup Radio Marathon

English LX19CWC is the special callsign for Luxembourg's participation in the 2019 Cricket World Cup Radio Marathon organised by the RSGB. The Marathon goes from 30 May to 14 July 2019.

All RL Members are invited to participate. Simply book the LX19CWC callsign by sending an email to Mich LX1KQ () and send him your log in ADIF format (lx19cwc@mycall.adi) after the activation.

Lëtzebuergesch LX19CWC ass ee speziellt Ruffzeechen fir den Cricket World Cup Radio Marathon 2019 deen vun der RSGB organiséiert gëtt. De Marathon leeft vum 30. Mee bis den 14. Juli 2019.

All Member ass invitéiert fir matzemaachen. Einfach d’Ruffzeechen LX19CWC per email beim Mich LX1KQ () ufroen an him duerno d’Logbuch am ADIF Format schécken (lx19cwc@mycall.adi).

Online Log